Elektron

Aftur til leys størv

KT supportara lærlingur til Elektron

Staður

Tórshavn

Arbeiðstíð

37 tímar

Starvsbyrjan

2. novembur

Freist

oktober 26, 2026

Elektron sóknast eftir einum lærlingi sum kemur at verða partur av fyrsta KT supportara flokkinum, nú útbúgvingin loksins er komin til Føroyar.

Vit bjóða tær eitt lærupláss í einum sera spennandi arbeiðsumhvørvi við høgari fakligheit og hjálpsomum starvsfeløgum. Á Elektron ganga vit høgt uppí at tú trívist,  og mennist við røttu avbjóðingunum.

Tú fert m.a. at læra um:

  • M365
  • Net
  • Servarar
  • AD 
  • Support
  • Uppseta telefonir
  • Klárgerðing av teldum

Í lærutíðini verður skift millum verkliga læru á Elektron, og skúlagongd í Miðnámi á Kambsdali.

Meira kann lesast um útbúgvingina her: https://www.yrkisdepilin.fo/utbugvingar/toekni-el-og-kt/kt-supportari

Lærutíðin byrjar 2. November 2026.

Spurningar?

Hevur tú spurningar kanst tú venda tær til Kristjan Petursson við at ringja tel. 295129 ella senda eina teldupost til kristjan@elektron.fo

Um Elektron

Á Elektron raðfesta vit trivnaðin høgt. Her skalt tú sum starvsfólk trívast, fáa hóskandi avbjóðingar og hava møguleikan at menna teg fakliga og persónliga. Vit ynskja eisini, at okkara starvsfólk eru eyðkend fyri sín eldhuga, ábyrgdarsemi og tænastuhuga. Tú kanst vænta tær eitt dámligt og óformelt samskifti við tínar starvsfelagar, har øll eru til reiðar at stuðla tær í tínum arbeiði. Lønin verður avtalað út frá útbúgving og royndum.

Elektron er millum landsins størstu veitarar av KT-tænastum til fíggjarfyritøkur, almennar stovnar og privatar fyritøkur. Umframt at menna skipanarloysnir, bjóða vit tænastur sum t.d. hýsing, net, KT-ráðgeving, menning, Mínrokning og Print og Pakking.

Í Elektron starvast  uml. 80 fólk, og árliga sølan er uml. 120 mió.kr.

Um Elektron
Søga okkara

Send umsókn

KT supportara lærlingur til Elektron

Sært tú ikki tað,
 tú leitar eftir?

Ver við til at forma talgilda samfelagið

Í Elektron arbeiða vit við kjarnutænastum, ið gera gerandisdagin lættari og tryggari hjá føroyingum. Hetta krevur dugnalig og eldhugað fólk – kanska ein sum tú? Vit eru altíð á veg framá og leita eftir fólki, ið hava fakligt innlit innan KT, umsiting ella kundatænastu, og sum vísa eina jaliga og ábyrgdarfulla tilgongd til arbeiðið. Vit meta eisini góða samstarvsevni og veruligan áhuga fyri menning høgt.

Um tú kennir teg aftur í hesum, so vildu vit fegin hoyrt frá tær. Tú ert vælkomin at senda eina umsókn – vit elita altíð eftir nýggjum kreftum.

Send óbodna umsókn