Um
Elektron

P/F Elektron kundi hátíðarhalda sín 60ára stovningardag

Elektron verður ISO-sertifiserað.

Elektron tekur avgerð um at skifta til grøna orkuskipan

Pallurin Elektron hevur bygt til Samleikan fær altjóða góðkenning

Elektron undirskriva sáttmála um at reka talgilda samleikan

Mínrokning skipanin verður tikin í nýtslu

Felagið Mínboks verður stovnað

Elektron byrjar at menna eina ‘e-boks’, sum seinni gerst til Mínboks. Peningastovnarnir og TAKS byrja at brúka hana beinavegin.

Bankaskipaninar vera konverteraðar til SDC í mai 2010. Elektron arbeiður miðvíst fyri einum góðum samstarvið við SDC, og fremur ymsar menningaruppgávur fyri SDC og peningastovnarnar á SDC.

Rokningadepilin verður mentur og settur á stovn í 2008. Skipanin ger tað møguligt hjá fyritøkum sínámillum at senda og móttaka talgildar rokningar, og nógvar fyritøkur og stovnar tóku væl ímóti Rokningadepilinum beinanvegin.

Fyrstu kundarnir taka Virkisgrundvøllin í brúk, eftir áhaldandi arbeiði bæði í 2005 og 2006 at fáa hann kláran. Fyritøkur fáa við hesum atgongd til dátumiðstaðartøkni, og tað gerst trygt og lætt at fáa atgongd til KT- skipanir.

P/f EITT varð stovnað á vári 2006, saman við telefyritøkuni P/f Kall. Endamálið varð at bjóða flatrate breiðbandshald til virkir, stovnar og privatir kundar, til lægri prísir enn vanligt var á Føroyska marknaðinum.

2. Elektron, við øðrum, meldar seg inn í altjóða felagskapin ISF (International Security Forum), ið hevur almennar stovnar og privatar fyritøkur kring heimin sum limir.

E-toll verður verksett

Aldarskiftið kemur og fer uttan trupulleikar, og Elektron savnar seg um at fáa raksturin meira støðugan, eftir mongu skjótu broytingarnar ið “ár-2000” verkætlanin hevur havt við sær.

Aldarskiftisverkætlanin “ár-2000” byrjar. Elektron fyrireikar seg uppá, at aldarskiftið viðførir umfatandi trupulleikar í stórum telduskipanum. Hetta krevur nógv arbeiði og nógvar tillagingar, og er árið merkt av tí.

Fyri fyrstu ferð verður ein ognaruppgerð send út við upplýsingum um ogn og skuld. Tískil er ikki longur neyðugt hjá skattaborgarum sjálvum at skriva ognaruppgerðina.

Elektron flytur í nýggjan bygning við Staraveg 7.

Kassaavgreiðsluskermar IBM 3600 verða keyptir og tað at fara í bankin gerst eitt annað upplivilsi.

Elektron flytur út til Grønlandsvegin 38. Báðar maskinurnar verða fluttar við politi eskortu og onkur helt fyri, at hetta mundi vera fyrstu ferð tær høvdu koyrt ordiligt.

Elektron letur upp í Klaksvík og Runavík. Kundin skal møtast á staðnum. Kort skulu holast, og dátur sendast til Havnar.

Holstovan við 16 holidamum arbeiða til langt út á kvøldarnar, tí EDV tólið koyrir um kvøldarnar og náttina orsakað av tekniskum avbjóðingum.

Fyrstu EDV tólini koma til Føroya. Ein IBM system 360 model 20 við 0,1 MIPS

Elektron verður sett á stovn tann 9. septembur í 1965 av Føroya Banka, Tryggingarsambandinum, Føroya Sparikassa og Sjóvinnubankanum. Tað var stjórin í Føroya Banka Sv. Aa. Nonnegaard-Pedersen, sum kom við hugskotinum at stovna eina KT-fyritøku, ið kundi røkja bókhaldsuppgávur fyri bæði stovnararnar og onnur viðskiftafólk. Elektron var sostatt ein av fyrstu KT-fyritøkunum í norðanlondum.